Қирқдан ўтиб сезгайсан,
Не яшамоқ-билгайсан.
Фарзанд учун келажак,
Яратмоқни бошлайсан.
Ҳаёт асли курашмоқ,
Даврада куч синашмоқ.
Аммо, умр-шамчироқ
Қирқдан ўтиб сезгайсан!
Атрофдаги дўст-улфат,
Қаён кетди қил фикрат.
Ўткинчмикан бу ҳаёт,
Қирқдан ўтиб сезгайсан?
Иссиқ жонда иситма,
Бор, ўзингни овутма.
Саждага кўп вақт кутма,
Қирқдан ўтиб сезгайсан!
Тақдир азал чизилган,
Не чекарсан ёзилган.
Қадр топмас эзилган,
Қирқдан ўтиб билгайсан!
Яратганга шукур қил,
Тиловат қил, фикр қил.
Бандамизку асли қул
Қирқдан ўтиб сезгайсан!