Қайда бўлмай ҳаққимга дуо қилиб ортимдан,
Оқ йўл тилаб омонлик тилагувчи онамдир.
Йўл йўқотсам мунғайиб, кўзёшлари тинмаган
Бу оламда тенгсизим, меҳрибоним Онамдир!
Ёшим бугун қирқ бешда, онам учун боламан,
Гар қоқилсам ҳаётда тиним билмас ноламан.
Гоҳ-гоҳида дийдорим кўрсатмайин
қоламан -
Йўллар қараб соғиниб, илҳақ кутган Онамдир!
Дуосидан дилим шод, шукур мушфиқ Онам бор
Бахтим шулар онамнинг, ёнларида отам бор.
Оллоҳ асра уларни, демам асло камим бор
Меҳри уммон жаннатим, ахир - Отам Онамдир!
@sherlar_rafael
✍️Рафаэл Сайдуллаев