Оддий ҳол, ароқлар очиқ ошкора
Аёллар базмига қўйилар бўлди.
Миллатнинг бошидан аср тушмаган
Дўппилар азада кийилар бўлди...
Аллани унутди бугун оналар
Гўдаклар бешиксиз, улғаяр бўлди.
Эҳ аттанг унутиб, удум-қадрият
Юраклар меҳрсиз сарғаяр бўлди...
Алпомиш, Гўрўғли достон беқадр
Тор бугун, бахшига бегона бўлди.
Яланғоч баданлар саҳнада кўз-кўз
Ор-номус, ҳаёлар ҳайрона бўлди...
✍Рафаэл Сайдуллаев
🏘Ғузор_13.08.2025 й
sherlarim.uz
@sherlar_rafael