Ақлим билдим қўлингизда,
Той-той бўлдим изингизда.
Сизни жуда соғиндим мен,
Момом қайга кетдингиз-а?
Юрардингиз савлат бўлиб,
Ўғил-қизга давлат бўлиб,
Сизсиз яна баҳор келди
Момом қайга кетдингиз-а?
Данагидан мағзи ширин,
Деб суйдингиз набиралар,
Ҳовлингизда қаторлашиб,
Катта бўлдик кабиралар.
Қанча инжиқ бўлдик билмам,
Ҳатто танбеҳ бермадингиз.
Не истасак олиб бериб,
Меҳр бериб қувондингиз.
Бобом ўтди оғир дард-ла,
Ўғил-қизни овутдингиз.
Дуо айлаб, хотир айлаб,
Кўз ёшидан совутдингиз.
Тўнғичингиз Саид бугун,
Бобо бўлди соч оқариб.
Китоб севар Сайдуллангиз,
Эзгуликдан толмас ҳориб.
Бағрингизни тиғлаб кетган,
Ўроз акам ёнингизда.
Фарзандлари биздан йироқ,
Улар ҳам дил қонингизда.
Суюклингиз Мейлихол ҳам,
Сизни ёдлаб чироқ ёқар.
Гулсорангиз кўниколмай,
Соғингандан кўкка боқар.
Абдирахмон кенжа ўғил,
Ўғил-қизин элга қўшди.
Ҳовлингизни гулзор этиб,
Оҳ,онам деб гоҳо тошди.
Ой қизингиз Шарофат ҳам,
Набирасин шодон этар.
Ўғил-қизу набиралар,
Ҳамон момом сизни кутар.
Рафаэлман билдингиз-а
Кўп дуолар қилдингиз-а.
Сизни жуда соғиндим мен,
Ёдда ҳар он қолдингиза.