Биздан аввал баён бўлган кўпчиликда,
Атрофингда парвоналар тўқчиликда.
Бошингга иш тушмасину тушса агар,
Дўст кимлиги аён бўлар йўқчиликда!
Ҳолинг билса секингина ташлаб қочар,
Ё ҳаётдан безган каби заҳрин сочар,
Қайга борма ноумидлик қучоқ очар,
Дўст-яқинлар аён бўлар йўқчиликда!
Эй-воҳ дейсан, улфатларим қаён кетди,
Шоду-хуррам, давру-даврон наҳот ўтди.
Англагайсан, бошинг узра синов етди,
Банда эмас, Худо қўллар йўқчиликда.
Шукур қилиб меҳнат қилгин соғчиликда,
Юзинг ёруғ бўлсин ҳатто йўқчиликда.
Умр деган синов экан азал бошдан,
Хайру-эҳсон қилиб тургин тўқчиликда