Қандай қилиб ўқитган экан,
Отам мени, акам, укамни?
Бу савдолар бугун бошимда,
Бўй кўрсатиб йўқлик ситамни.
Тирикчилик рўзғор ташвиши,
Толитади ҳатто оламни.
Елкада юк оталик бурчим,
Ўқитмоғим керак боламни.
Қийнамасин ҳаёт уммони,
Ҳалол бўлсин ҳар кимнинг нони.
Ўқитмоғим керак боламни,
Орзу қилдик улкан довонни.
Оллоҳ ўзинг қўлла мақсадим,
Давом этсин ушбу хислатим.
Ахир улар умид, савлатим,
Ўқитмоғим керак боламни...